Бахтиёр Зайнутдиновтың алдағы ойындарға қатысуы медициналық тексерістен кейін анықталады

Қазақстандық жартылай қорғаушы Бахтиёр Зайнутдинов жақында жарақатынан айығып, клубтық жаттығуларға қайта қосылды. «Бешікташ» сапында ойнап жүрген футболшы бұған дейін жамбасының артқы бұлшықетінен жарақат алып, Испанияда ем қабылдаған болатын.

Қазақстан футбол федерациясының мәліметінше, Зайнутдинов 17 наурызда ұлттық құрамаға қосылып, қосымша медициналық тексеруден өтеді. Осы тексерістің нәтижесіне қарай оның 2026 жылғы Әлем чемпионатының іріктеу кезеңіндегі Уэльс пен Лихтенштейнге қарсы ойындарға қатысуы шешіледі. Бұл ойындар 22 және 25 наурызда өтеді.

Осылайша, футболшының алдағы матчтарға қатысуы оның физикалық дайындығы мен дәрігерлік қорытындыға байланысты болады.